.
وينهم وينهم اللي يقولون مانقدر نمسك دموعنا
ولا الدمعه ع الباب
ولا من ادناة الدون يخر البزبوز <~~~ مين يترجمها 😆
.
المهم هذي نصايح صغنونه بس تجيب فوايد وانا اختك
اول ما هه حسيتي الدمعه تصفق ووالمه للنزول
خذي تنفس عميق.. دخلي ابو الاكسجين في رئتك
بس لاتطلعينه بسرعه🙅
شوي شوي.. هذي الحركة فايدتها انه تتباطئ من دقات القلب
عشان كذا تشوفون المدخنين اذا نفس عليك وعصب وشوي وبينفجر.. يولع على طول سيجاره وياخذ نفس طووووويل منها.. لانه يحس هذا النفس يهديه
حاولي تاخذين نفس عن طريق الانف.. وطلعيه شوي شوي عن طريق الفم
.
الحركه الثانيه
ركزي في خيالك على اي صوره او خيال يسعدك
مثلا ولدك الصغير اللي شوفته تجيب لك السعاده
بس تذكريه وخلاص تنطفي هالمشاعر الفياضه اللي بتنكب من عيونك
.
الحركة الثالثه.. طقي روحك 🙈
اي نعم.. بدون ماينتبه اللي بيصيحك اقبصي نفسك مثلا
ليه.. انتي وقتها غااااارقه بالالم النفسي.. وهذا الالم قلعد شغال يفتح صنبور الدموع
لكن مجرد ماتقبصين نفسك.. او بالقلم تغزينه في يدك.. مثل الكهرباء ويتحول من الم نفسي إلى الم بدني
وتتلخبط عند مخك الأوامر
.
في النهاية
لو لاحظتو الافلام والكليبات اذا ب يجيبون وحده تمنع دموعها في اغنيه عاطفيه مثلا
عضت شفايفها من تحت
هالمره انتي سوي العكس
عضي شفايفك من فوق.. له تاثير اقوى ومفعول افضل
.
.
اللي تقول وش فيها ابتسي؟
ياختي ابتسي احد ماسكتس.. كلامي موجه للي مايمسكون دمعتهم قدام الناس ومضايقهم هالشي.. اما اللي ماعندها مشكله تنزل دميعاتها الله يتمم عليك وين ماكنتي 😆
.
.
.
ليست هناك تعليقات:
إرسال تعليق