فيه تكنيك خطير اسمه "زرع الفكره" تراه مو شي جديد.. دايم نمارسه على نفسنا وعلى اللي حولنا وغيرنا يمارسه علينا
وكثير يستخدمه الاعلام
ليه خطير... امشو معي حبه حبه
.
مثلا ايام ماكنتي في الطعشات "يعني مراهقه" طلع اللاعب الفلاني
وبدو الطعشات اللي بجنبك يقولون اييييييه تحبينه
وانتي تقولين لااااا ما احبه والله شرقت صدق ب الببسي مو عشانه
وهم الااااا تحبينه..الاااا معجبه فيه
فجأه ماندري الا انتي تجمعين صوره واخباره ومااااايته عليه
.
زرع فكره
.
بنت عند اهلها.. وفجأة تنط امها عليها وتقول انتي خبلللله
وهي تقول لاااا هي لعبت علي
تقول ايه لانك خبله
فجأه ماندري الا تتصرف سلوكيات تنضضضضح خباااال
.
زرع فكره
.
تنط الزوجه وتقول: اييييييه انت معجب بمرت اخوك يالسربوت
ويقول: اقسسسسم بالله ماقامت عندي ولا قعدت
وتقول: الاااا..بدليل مخليها تأثث بيتي
وماخليتها الا معجبك ذوقها
وفجأه ماندري الزوج الا يتدوده كلما جت سيرة مرت اخوه
وزوجته لو جابت ايش قال: وع ماتعرفين الزين
.
زرع فكره
.
نجي للأهم...زرع الفكره تكنيك خطير يستخدم في اغلب علوم النفس والاجتماع.. ويعتمد بعدها على الايحاء
زرع فكره - - - - > ايه تحبين هذا اللاعب
الايحاء- - - - - - > اذا طلع اللاعب نظرات للبنت..اصوات مثل اووووه
النتيجة-----------> خلاااااص تحبه
.
طيب وين المشكله؟
ان البعض يزرع افكار بشعه
وبسببه تبدا سلوكيات البعض يتخذ هذي الافكار
.
طيب والحل مع زرع الافكار هذي؟
بسييييييطه
لاتقاومين الفكره اللي تم زرعها
كلما زادت مقاومتك لها..كلما زاد تمكنها منك
.
الحل..انك تحاورين هذي الفكره
مثل اذا قالت الام للبنت انتي خبله
مو تتجاهل الفكره
او تقاومها
او تعارض بينها وبين نفسها وتقول انا مو خبله
تجلس مع نفسها وتناقش هذي الفكره
لا والله انا مو خبله..الحمدلله الكل يشهد لي بالذكاء
معلمتي فلانه انبهرت من ذكاءي في الموقف الفلاني
المدرسة كرموني متفوقه في الرياضيات ومو اي احد يتفوق فيه
والموقف اللي صار واللي تقول امي عليه اني خبله..بسبب حسن النيه..وهذي صفه محببه عند الله
وهكذا
تحاورين نفسك وتطرحين مواقف وامور(تفند) هذي الفكره
.
طيب نجي للزوجه اللي زرعت الفكره براس زوجها الاااا معجب بمرت اخوه
خلاااااص ستوب..
ماينفع التكنيك اللي فوق
وتحطين مقارنات بالكلام قدامه انك احسن منها
لانه خلااااص قارن وقضى
تجاهلي الموضوع تماااامااا
ولا تفتحين ابد سيره مرت اخوه قدامه ابد ابد
وبالتالي اعتمدي على احساسك
معجبه طبخها..سنعي بطبخك بدل ماتقولين طبخ امي ازين😩
وهكذا
ليست هناك تعليقات:
إرسال تعليق