١٠ أشياء يكرهها الرجل بالمرأة

#عشر_اشياء_يكرهها_الرجل_في_المرأه_عشتار

.

ماله دخل لا ب ربات البيوت ولا الموظفات

هذي عشر أشياء يكرهها الرجل في المراه بشكل عام

.

1-قلة الثقه بالنفس

2-السطحية

3-القيل والقال

4-سوء النظافة

5-الصريفة

6-غياب الطموح

7-متقلبة

8-غير مستقلة

9-الغيور

10-القفل

.

تذكرون رسالة الواتس اب اللي انتشرت عن الزوج اللي يبغى الأولى تطبخ للثانيه؟

بغض النظر عن صحتها

القصة للي ماقراها:

أنا زوجة وربة بيت ولدي أطفال

زوجي متزوج بأخرى

وكل منا لها منزلها الخاص بها

ضرتي تعمل ممرضة وتعود إلى بيتها عند المساء

وزوجي يعمل بالقطاع الحكومي

وكل يوم أجهز الغدا وأنتظر عودته لنتغدا جميعا أنا وزوجي وأطفالي

وفي أحد الأيام جائني زوجي يخبرني بأنه يريد أن يعدل بيننا في تناول وجبة الغداء 

وأخبرني أنه سيتغدا يوم معي ويوم مع زوجته الثانية وقد أقترحت عليه زوجته الثانية أن أطبخ أنا الغداء ويأخذه هو إليها ليتغدا معها

أنا رفضت فكرامتي لا تسمح لي بأن أطبخ لزوجته الثانية ولكنه أصر ودخلنا في مشدات حوارية حتى حلف على أن يطلقني أذا لم أطبخ لها

أرجوكم ساعدوني ماذا أفعل وكيف أتصرف؟؟

.

..

ايه رأيكم ناخذها مثال ونطببببببببق عليها نقاط #عشر_اشياء_يكرهها_الرجل_في_المرأه_عشتار

احسكم تصدقوني اكثر اذا جبت لكم امثله 😅

.

🔵 حلليني ياصاحبة القصة واحتسبي قصتك اجر لزوجات المسلمين🙊🙊🙊

.

.

1-قلة الثقة بالنفس:

(العوبه الثانية) كانت واثقه مرررره من نفسها ان(الأولى) بتطبخ لها

عشان كذا ما استحت تطلب مثل هالطلب

و(الزوج الاحمق) راح قال(للأولى) لانه كان عارف انها ضعيفه شخصية ورح توافق صاغره

(الأولى) بدل ماتنسف القدر فوق راسه.. راحت تبحث عن حلول في عالم النت من الكل بلا استثناء 

لان ماعندها ذيك الثقه اللي تخليها تثق برأيها وتصرفها

.

اذا الزوج يكرة قلة الثقه... هل قلة الثقه سبب انه يتزوج عليها؟

لا طبعا.. لكن بعضهم يستمتع انه يكسر ثقة زوجته عشان يقدر يتحكم فيها

.

هل الثقه معناها اني اقول له "لا" واعارضه؟

غللللط وهذا اللي نقوله دايم.. ان عندنا #خلط_في_المفاهيم

الثقه.. انك تثقين بنفسك

بامكانياتك

بحكمتك

برأيك

وتثقين انك قد التنفيذ

مايهزك ريح

الثقه انك تعرفين مين انتي

وايش تبغين

وتعرفين تتعاملين مع اللي قدامك.. مو تستنجدين باخد يعلمك

تراااااي كتبت مووووواضيع كثيرررره في الثقه

اعتقد انه اكثر موضوع اخذ مساحة في الحساب

.

.

.

2- السطحية

( الاولى) فيها سطحيه كبيررررره

ممكن ان همها بس التوافه بالحياه

اما(الثانية العوبه) بالعككككس رغم حقارة طلبها، الا انها موظفه وحاطه قدام عيونها هدف.. ولا استبعد انها ماسكه منصب كبير تطور فيه.. وهذا سبب اعجاب(الزوج الاحمق) فيها

بينما(الاولى) عايشه بس بعالم بسيط سطحي

بين زوجها وعيالها وان ابعدت اهلها

.

🙅:خيررررر ياعشتااااار.. والوحده اللي تناظر بيتها صارت سطحية؟ 👵:لا طبعا 😆.. لكن سطحية بدليل انها نشرت قصتها.. ولا عندها لا سلاح العلم ولا خبره، اللي يعلمها كيف تتعامل مع موقف "احمر" مثل هذا

وهذا من صفات السطحيين.. اللي عايشه جنب الحيطه

ويوكل عشاها وعيونها طايره

.

.

.

3-القيل والقال

🙇:افااااا ياعشتار.. وش دراك انها راعية قيل وقال

👵:وحده قاعده بالبيت لاشغل ولا مشغله.. وش عندها غير القيل والقال

ماش.. احسكم ماقتنعتو 

نشرررررها للقصه اكبر دليل لحبها للقيل والقال

عشان يحكون( بالعوبة الثانية)

.

وفعلاااا ترا الرجل يكره القيل والقال

مين اللي سافرت مع زوجها واخرتها تقول ليت خواتي معي؟ 

وذاك ينتفخ على باله ماجاز لها السفر معه

وهي بالصدق تبي خواتها عشان تحش

وهي ماتقصر تبي تحش عنده.. بس يسكتها

.

4-سوء النظافة

🙅:خيررررررر ياعشتااااار مو كانك زودتيها

وش دراك انها مو نظيفة..وحده ماغير تطبخ وتربي اكيد بيتها نظيف

👵:ومين تكلم عن البيت 😑

كلمتكم انها ماغير تطبخ دليل على كلامي

ان ريحتها تطبخ وبصل

وممكن انها مهمله نفسها من ملاحق البزارين

وقميص الروز يهفهف لانه اريح لها

انا اتكلم عن النظافة الشخصية

.

معليشششش لانغمض عيونا عن الحقيقة

وننكر ان الموظفات غيررر عن ربات البيوت

ربات البيوت والموظفات كل لهم احترامي

.

صح الوظيفه تاخذ من حياتها

لكن تبقى صبية

تلقون(الثانية العوبة) ترجع من الدوام وباقي زينتها وريحة عطرها عليها

تحف شعرها لانها تحط رجل على رجل 

وتصبغ شعرها عشان مايشوفون شيباتها

غير الذهب والإكسسوار اللي ماتشيلهم

لبسها للبيت مو قميص امس.. بتلبس شي جديد لانها رجعت تغير

مو مثل ربة البيت اللي لبسها يومين واحد لانها ماشالته عنها.. لان مجرد ماتفصخه رح ترميه بالسله

كل هذا يشوفه الرجل انها "تلق لق"

.

والشي الثاني.. مين قال الرجل يتزوج عشان يبي حرمه تطبخ له!!!!

والدليل انه كان عاااايش طول عمره عند(الثانيه العوبه) وهي ماتطبخ.. لين غبرت على نفسها

والله مانتي صايره ازين من طبخ امه.. حتى لو امه مو زين طبخها يكفي نفسها اللي يحبه

الرجل يتزوج لهدف ثاني.. ولا كان جاب خدامه وانتهى الموضوع

.

في الشرع.. الزوج هو المكلف بإحضار الطعام للزوجة

مو العكس 

وحقه عندك فقطططططط(الفراش وتربية الاولاد)

وحتى لو رضعتي.. وجبت عليه يعطيك اجر "يعني فلوس" على ترضعيك لولده

.

فهمتي عزيرتي الأولى؟

.

.

.

5- صرّيفه

🙅:بعد ياعشتار؟ 👵:اسمعوووني.. (العوبة الثانية) موظفة.. يعني مستغنيه عنه

حتى لو عطاها.. بالنهاية بتدلل نفسها من راتبها

ومثل ماكتبت ان الثانية "ممرضة" و اول مربوط للممرضات حسب علمي 9000 ريال

واكيد لها سنوااااات 

وبالتالي تطق الشنطه الماركة

والثياب الغاليه

من فلوووووووسها

وممكن انها مساعدته كثيرررر براتبها

هذا اذا ماخذت له قرض

هذا اللي خلاه "يتوحش" على الأولى ويغصبها انها تطبخ لها.. لان شااااايف افضالها عليه

بينما يشوف ذي(الأولى) عاله عليه

لانها كلما شافت على( الثانية) شي.. راحت نشبت بحلقه الا يشتري لها مثلها من باب العدل .

.

.

6- غير لعوب

تراي تكلمت كثيررررر عن الموضوع هذا.. كيف يحب الرجل المرأة اللعوب وكيف تكون لعوب

طيب وش دراني ان(الثانية) لعوب و(الأولى) لا 😑

بسيطه الحسبه... اي زوجة يتزوج عليها زوجها

تموت احاسيسها نحوه

لدرجة تتحسف انها تسوي شي له.. لانه مايستاهل

وتجي عاد(الثانية العوبة) وتستغل الفرصه

وتصير هي الصغنونه الدلوعه اللعوب

حتى لو هي اكبر من الأولى

.

.

.

7- غياب الطموح

مااااهنا طموح عند(الأولى)

ولا كان تحركت وسوت شي من اول مازوجها طق الثانيه

وقلبت غيرتها بدل ماتكون "نق" على الزوج انها تكون "افعال" كيف تكون احسن من الثانية

طموحها تلقونه علقته بعيالها عقب صدمتها.. هالعيال اللي اخر شي بيرجعون لابوهم..

عكس الثانية.. يكفي من طموحها انها ممرضه

.

.

8- متقلبه

ههههههه احسكم بتاكلوني.. وتقولون بعد وش دراك انهل متقلبه

بسيطه.. لانه هددها بالطلاق 🙊🙊🙊

ماهددها الا انه عارف انه اليوم تقول لا

وبكرا تقول ايه

وهذي صفات المتقلب الرايي.. مايثبت على راي واحد

ولا ليش الرجل يهدد على الطالعه والنازل

الا انه عارف انها بالنهاية بتغير رايها وتخضع

ولا تخافون عليها.. رح تسوي اي شي ولا يطلقها

لانه هو عارف نقطه ضعفها وكيف يجبرها

.

.

.

9- غير مستقله

يكفي ان قلنا شهادتك ووظيفتك تحقق استقلاليتك

صح ان ربة البيت عندها اعظم وظيفه..لكن لاتكون هالوظيفة مر على حياتك

و لاتنسون الرسول صلى الله عليه وسلم تزوج خديجة وكانت صاحبة تجارة

وكانت من احب زوجاته إليه

.

التعليم مجاني.. واذا ماتقدرين في التعليم عن بعد.. مو حجة ابد انك ماتبين الشهادة الا الرباده

.

اكيد(الثانية العوبة) مستقله.. شهادتها ووظيفتها.. تخليها تستغني عن الف رجل ورجل

اما(الأولى) حياتها كل من له يد فيها

والدليل انها طلبت الحل من فضاااااء وهمي.. كل من له ثقافته وعلمه واعرافه ودينه حتى

.

.

.

9- الغيور

الرجل يكررررره الغيره

🙇:هووو~~ وين اللي يقولون يحب الغيره

👵:اييييه غيره عن غيره.. لما يجي يقول قصه يتحكرش فيك بها.. هنا يقول بيني لي غيرتك

لكن الغيره القشرا ذي.. ترا يكرهها الرجل .

ولا يخفاكم ان(الأولى) للمعلومية تغاااااااار مررررره من الثانية

كيف دريت

اولا: لانها امرأة

ثانيا:.. قد تكون مميزات(الثانية) اللي حللتها.. وكونها زوجة(ثانية) بتخليها غصصصصب تغار منها

.

الامر لو وقف على "غيرة".. كان بها

المشكله مابعد"الغيرة"...

هل هي غيرة محمودة.. ولا غيرة منحوسة

وغيرتها انها تقعد تنق عليه وعلى حياتها.. لين ينحاش للثانية

.

10- مخها مقفل

🙅: شنهووووو بعد عرفتي ان مخها مقفل

👵:ايه وعرفت انها ممكن ترفض تلبس البنطلون والمحزق والملزق

ولا وش يخلي زوجها ينط ويتزوج ممرضه؟

معليش كلنا عيال قريه

.

باين ان زوجها عقليته متفتحه.واختنق من انغلاق تفكير زوجته..

ولا الومها بهذا الشي بالغالب يجون اصحاب هذا التفكير اللي مامعهم شهادات+ مامعهاهم وظيفة+غير اجتماعيين

.

🔵 مامعها شهادة...

العلم معروف يزيد الوعي

والاحظ اغلب اللي مايتعلمون انهم يكرهون القراءه..وهذا سبب خروجهم من المدارس بالدرجة الأولى 

فهل يعقل انها طلعت من المدرسه

وبتروح تمسك كتب بعدها

لو مسكت ماكانت ما انحطت بالاساس في مثل هالمرقف..لانه عارف زوجته ايش هي

اللي ماحصل لها التعليم، القراءه توسع المدااااارك..

.

🔵 ما معها وظيفه

بغض النظر ان الوظيفه تعطي راتب

ولكن يكفي احتكاكها مع البشر والاجناس..يخليها تعرف ان في بيئات غيرها وفي مجتمعات واعراف وتقاليد غير اللي تربت عليها

هذا يحرك مخها

ولا يخليها تفرض قوانينها على الغير

ويكون عندها مرونه للتعامل مع الناس والاجناس والمواقف

عاد الثانية ممرضه اوووه.. ذي تدخل من كم وتطلع من كم.. يكفي انها يمر عليها من اكبر القوم لا اصغرهم..وهذا يعطيها ثقافة التعامل مع الناس كل حسب بيئته

.

ومو شرط وظيفه حكومية او حتى اهليه

كوني لك مشروع بسيط من راس مال بسيط

مثل الاسر المنتجة دخل عليهم خير

تطوعي في الدور

انضمي للجمعيات

اي شي يحرك مخك ويخليك تمسكين ابجديات الف باء لاي شي تلقين نفسك فيه..ومنها تكون موهبتك اللي تدخل عليك ذهب

.

🔵 غير اجتماعيين

تعبت حلوها انتم ههههههه

.

.

.

#اضافة:

شكلي ضربت على وتر حساس😆

الحين من قال اني جيت جنب ربات البيوت وحارشتهم

انا اتكلم بلغة خاصة لصاحبة القصة

ماعجبك التحليل خذي فقط النقاط الأولى واعرفي انها اكثر 10 أشياء يكرها الرجل في المرأة بشكل عام

.

.